Carita Pantun "Lutung Kasarung", Struktur dan Unsur Intrinsik Carita Pantun

CARITA PANTUN:

�LUTUNG KASARUNG�

Bul kubus mendung ka manggung

Ka manggung neda papayung

Ka dewata neda suka

Ka pohaci neda suci

Kuring rek diajar ngidung

Nya ngidung carita pantun

Ngahudang carita wayang

Nyilokakeun nyukcruk laku

nyukcruk laku nu bahayu

Mapay lampah nu baheula

Lulurung tujuh ngabandung

Kadalapan keur disorang

Bisina nerus narutus

Bisina narajang alas

Da puguh galuring tutur

Kacaturkeun aya hiji nagara,

Nagara Pasir Batang Anu Girang.

Nagara mahmur kerta raharja,

gemah ripah loh jinawi.

Rajana Prabu Ageung Tapa,

pram�swarina anu geulis Nitisuari.

Geus lawas mangku kaprabon,

ngaheuyeuk dayeuh ngolah nagara,

kalawan adil tur wijaksana.

Kangjeng Raja kagungan putra tujuh,

putrana t�h istri sadayana.

Anu cikal jenenganana Purbararang,

anu kadua Purba�ndah,

anu katilu Purbad�wata.

anu kaopat Purbakancana

anu kalima Purbamanik.

Nu pangais bungsu Purbaleuwih.

Ari bungsuna, Purbasari Ayu Wangi.

Kangjeng Raja geus lawas mangku kaprabon,

aya niat bad� lir�n tina kalungguhanana,

bad� teras ngabagawan nyirnakeun pikir.

Lajeng badanten sareng pram�swari,

ngabadantenkeun pigentoseunana,

jadi ratu di Nagara Pasirbatang Anu Girang.

Duanana sapuk milih pigentoseunana,

nya�ta si bungsu Purbasari Ayu Wangi.

�njingna Kangjeng Raja ngayakeun kempelan.

Patih, paramantri, paraponggawa sami hadir.

H�mpak sadayana pangagung di Pas�ban Agung.

Rahayat karumpul ngariung di alun-alun.

Pok Kangjeng Raja sasauran, nyarioskeun niatna,

seja masrahkeun kaprabon lajeng ngabagawan.

Ari anu ditunjuk janten gegentosna,

nya�ta putri bungsu Purbasari Ayu Wangi.

Kangjeng Raja teras jengkar ti karaton.

Putrana anu cikal, Purbararang,

kacida ambekna p�dah teu kapilih jadi ratu.

Boga rasa kalindih ku Purbasari.

Purbasari dicar�kan b�ak beresih,

tuluy dibobor�han ku k�ler nahun,

awak jeung beungeutna jadi lestreng.

Purbasari diusir ti karaton,

disingkurkeun ka Gunung Cupu,

dianteurkeun ku Paman L�ngs�r,

disina cicing di saung butut sisi lamping.

Kacaritakeun di Kahiyangan,

Guru Minda putra Sunda Ambu,

ngimpi patepung jeung putri geulis,

rupana sasemu jeung Sunan Ambu.

Jorojoy timbul rasa cintana ka �ta putri,

kadudut kalbu kapentang asmara.

Waktu riungan di pas�ban Kahiyangan,

Guru Minda maling-maling neuteup Ibu,

anu sasemu jeung putri dina impianana.

Kalakuan Guru Minda dianggap salah.

Guru Minda dititah indit ti Kahiyangan,

sarta kudu ka Buana Pancatengah.

Di dinya Guru Minda baris patepung

jeung putri anu sasemu jeung Sunan Ambu.

Guru Minda dib�r� baju lutung,

anu kudu dipak� di Buana Pancatengah.

Ceuk Sunan Ambu, �ta t�h mangrupa jalan

sangkan bisa papanggih jeung putri t�a.

Guru Minda turun ti Kahiyangan,

nya anjog ka hiji leuweung geledegan,

leuweung anu aya di Buana Pancatengah.

Rap baju lutungna dipak�,

jleg ba� minda rupa jadi lutung.

Lutung lain salutung-lutungna,

tapi lutung anu kasarung ku lampahna.

Nya disebut ba� Lutung Kasarung.

Urang caturkeun deui Nagara Pasirbatang.

Purbararang anu ayeuna geus jeneng ratu,

gaw�na ngan sukan-sukan jeung curak-curak.

Hiji mangsa, Ratu hayang daging lutung.

Tuluy ngajurungan Paman L�ngs�r,

nitah Aki Panyumpit ngala lutung.

Lutung kudu kabawa pasosor� po� �ta,

lamun pam�nta Ratu teu kacumponan,

Aki Panyumpit baris ditugel jangga,

dihukum pati ku cara diteukteuk beuheung.

Henteu talangk�, Paman L�ngs�r indit,

ngajugjug ka imah Aki Panyumpit.

Kasampak Aki jeung Nini Panyumpit,

keur araya di imahna, teu kamarana-mana.

Barabat atuh Paman L�ngs�r cacarita,

nyaritakeun pamundut Ratu Purbararang.

Pamundutna mah henteu sabaraha,

ngan teuing ku beurat hukumanana,

mun teu hasil baris ditugel jangga.

Ku Aki Panyumpit disanggupan.

Aki Panyumpit indit ka leuweung,

mawa sumpit jeung paserna,

nyor�ndang koja si d�ngd�k po�.

Datang ka leuweung, teuing ku an�h,

henteu manggih sasatoan hiji-hiji acan.

Taya bant�ng, uncal, atawa mencek,

malah taya landak-landak acan.

Lutung anu biasana patinggurayang,

harita mah teu kad�ng� sora-sorana acan.

Aki Panyumpit geus pegat pangharepan,

mangkaning po� geus mimiti reupreupan.

Keur kitu, dina hiji tangkal anu ged�,

aya lutung keur diuk campego dina dahan.

Aki Panyumpit bungahna kaliwat saking.

Terus lutung disumpit, teu beunang.

Disumpit deui sababaraha kali,

lutung bisa pisan nyingcetkeun paserna.

Paser hiji g� taya nu ngagaris-garis acan.

Keur kitu, lutung t�h ngomong,

�Oah, Aki Panyumpit, montong nyumpit!

Da kula mah moal kabur ieuh,

ar�k nurut kana sakahayang Aki!�

Aki Panyumpit kag�t kabina-bina,

ngad�ng� lutung bisa ngomong.

�Sukur, Utun, hayu atuh geura turun!�

Jrut lutung turun tina tangkal,

tuluy nyampeurkeun ka Aki Panyumpit.

Aki Panyumpit leumpang gagancangan,

sieun teu kaburu mawa lutung ka nagara.

Lutung ngiclik nuturkeun Aki Panyumpit.

Geus aya deui ba� kajadian anu an�h.

Sasatoan anu tadi aruweuh, araya deui.

Aki Panyumpit kab�ngbat ku moro.

Meunang uncal sapasang jeung mencek.

Diasupkeun kana koja si d�ngd�k po�.

Lat poho kana dawuhan Ratu,

datang ka imah panonpo� geus surup.

Isukna lutung kakara dibawa ka karaton.

Aki Panyumpit sasadu ka Purbararang,

bari nyaritakeun lalakonna meunang lutung.

Aki Panyumpit dihampura ku Purbararang,

henteu tulus dihukum ditugel jangga,

sabab meunang lutung anu kacida ged�na.

Malah sabalikna tina sangkaan,

Aki Panyumpit dib�r� rupa-rupa hadiah.

Dib�r� kuda dawuk ruyung jeung rarahabna,

sarta dib�r� batur lima kuren tamba keueung.

Geus datang kana mangsana dipeuncit,

lutung teuing ku giras, h�s� dit�wakna.

Dikepung ku jalma pirang-pirang,

kalah luluncatan ngaruksak paparabotan.

Eusi karaton burak-barik burakrakan.

Lutung henteu jadi dipeuncitna.

Ti dinya Purbararang nitah Paman L�ngs�r,

nganteurkeun lutung ka Gunung Cupu,

keur pibatureun putri bungsu Purbasari.

Kocap lutung geus aya di Gunung Cupu,

ngabaturan Purbasari anu keur prihatin.

Lutung karunyaeun ningali kaayaan Purbasari.

Awak hideung, papak�an rudin rudag-radig.

Barangdahar sakapanggihna saaya-aya.

Reup peuting, sar� dina palupuh sab�b�k.

Tapi sorotna b�da, aya semu Sunan Ambu.

�Boa-boa ieu putri dina impian t�h,

keur dipingit ditapakeun,� gerentes lutung.

Reup peuting, lutung mapatkeun sirep.

Lenggut Purbasari katarajang tunduh,

les ba� kulem teuing ku tibra.

Lutung ngeg�dogkeun salira.

Jleg ba� ngajangg�l�k jadi Guru Minda.

Biur ngapung, jog anjog ka Kahiyangan.

Wawartos ka Jeng Ibu Sunan Ambu,

palay misalin putri Purbasari.

Kapalayna ditedunan ku Sunan Ambu.

Biur ngapung, jleg ka urut tadi, jadi deui lutung.

Isuk-isuk Purbasari ngulisik, tuluy hudang.

Kag�t liwat saking ningali kaayaan anu b�da.

Sar� dina katil emas, kasurna tujuh susun.

Kamarna dipapa�s emas berlian patinggurilap.

Saung butut robah jadi istana murub mubyar.

Pok Purbasari nyarita ka lutung,

�Utun, urang aya di mana, kasasar ka mendi?�

�Teu ka mana teu ka mendi, ieu mah pisalin lutung,

ladang nyileuk sapeupeuting.�

Purbasari dititah mandi di tampian istana anyar.

Gejebur mandi, diruruan sakujur badan.

Baranyay cahayaan, kat�mbong deui geulisna.

R�ngs� mandi, papak�anana og� diganti,

ku baju beunang nyadiakeun parabujangga,

anu ditunda dina kandaga emas di bal� kancana.

Barang rap, nu geulis wuwuh murub-mubyar.

Geulis kawanti-wanti, �ndah kabina-bina.

Lutung ngalingling ngadeuleu maling.

�Geulis temen Putri Purbasari,

geulis tanding widadari, semuna ngala ka Ambu.�

Ibur salelembur, �ar sajajagat,

Di lamping Gunung Cupu aya istana agr�ng,

cahayana ngempur munggah murub mubyar.

Ahirna ka�mp�r-�mp�r ka karaton.

Paman L�ngs�r diutus pikeun muguhkeun,

sanggeus balik deui ka karaton hariweusweus,

b�b�ja ka Purbararang y�n �ta t�h istana Purbasari.

Purbararang datang bedangna, bijil sirikna.

Nyieun tar�kah pikeun nganyenyeri Purbasari.

Purbasari dititah ngabendung walungan,

keur marak lebah Leuwi Baranangsiang.

�ta bendungan kudu anggeus sapeuting,

lamun teu cumpon Purbasari ditugel jangga.

Ngad�ng� par�ntah kitu, Purbasari bati sedih.

Datang peuting ngan ukur bisa gulang-guling.

Lutung metakeun sirepna, Purbasari sar� tibra.

Lutung mujasm�di neneda ka Sunan Ambu,

m�nta sangkan Leuwi Baranangsiang dibendung.

Isukna, isuk-isuk pisan sumebar b�ja,

y�n Leuwi Baranangsiang geus dibendung.

Aya anu nepikeun �ta b�ja ka karaton.

Teu kungsi lila ti harita,

Purbararang jeung adi-adina anu lima,

arindit r�k marak ka Leuwi Baranangsiang.

Diiring ku m�h sakab�h pangeusi karaton.

Dit�ma ku pirang-pirang rahayat,

bari marawa pakakas pikeun marak.

Datang ka Leuwi Baranangsiang,

L�ngs�r nabeuh bend� tanda marak dimitian.

Brus atuh jelema kab�h ancrub ka leuwi.

Anu nyair, anu ngecrik, anu ngob�ng og� aya.

Laukna rupa-rupa jeung teuing ku loba.

Purbararang marak di nu caina linduk,

ngahaja milih tempat anu sakira loba laukan.

Ari Purbasari marak di girangeunana,

marak sorangan teu campur jeung nu lian.

Keur kitu lar aya nonoman kas�p ngaliwat.

Ngakukeun ngaran Guriang Kawung Luwuk.

Padahal nu sa�stuna �ta nonoman t�h

Guru Minda anu teu mak� baju lutungna.

Purbararang bogoheun ka �ta nonoman,

tapi ku Sang Guriang ditolak sapajodogan.

Malah terus nyampeurkeun ka Purbasari,

marak paduduaan bari suka bungah.

Lir nu ngahaja mapanas ka Purbararang.

Purbararang panas hat�na liwat saking.

Tuluy nitah Purbasari diperih pati deui,

dititah ngala bant�ng lilin suku gading.

Mun teu bukti, ditugel jangga hukumanana.

Ngad�ng� pam�nta anu sakitu banggana,

Purbasari ceurik asa diteungteuinganan.

Tapi teu burung indit ka leuweung,

sosoranganan n�angan bant�ng lilin.

Bant�ng kapanggih ngadangong di sampalan,

Purbasari ngayekyek sieun n�njo bant�ng.

Keur kitu torojol aki-aki kundang iteuk.

Ngakukeun ngaran Ki Kuwu Heubeul Isuk.

Padahal saenyana Guru Minda anu nyamur.

Purbasari m�nta tulung pikeun n�wak bant�ng.

Bant�ng digupay ku Ki Kuwu Heubeul Isuk.

Bant�ng nyampeurkeun, brek depa hareupeunana.

Ki Kuwu m�nta buuk Purbasari salambar,

terus ditalikeun kana janggot bant�ng lilin,

dipak� nungtun bant�ng minangka tambangna.

Bant�ng lilin ditungtun ku Purbasari,

nurut najan ditungtun ngan ku buuk salambar.

Bant�ng dibawa ka jero dayeuh nagara.

Jog ka alun-alun, bant�ng dicangcang di dinya.

Dina tangkal caringin kurung juru alun-alun.

Ti dinya Purbasari asup ka jero karaton,

b�b�ja ka Purbararang y�n pam�ntana katedunan,

bant�ng lilin suku gading mata beureum,

ngadungkuk saged� saung buruk.

Harita k�n�h Purbararang indit ka alun-alun.

Barang br�h ningali bant�ng ngarasa h�meng.

Aya bant�ng teuing ku alus jeung ged� deuih.

Purbarang nyampeurkeun bant�ng lilin,

tapi bant�ng ujug-ujug lumpat ka karaton,

tuluy ngamuk nubrukan sagala barang.

Bereyek paraponggawa ngepung bant�ng.

Tibatan beunang kalah ka loba nu kaleyek.

Ti dinya bant�ng kabur asup ka leuweung.

Purbararang beuki ambek ba� ka Purbasari.

Tuluy ngajak paalus-alus ngahuma.

Lamun Purbasari �l�h, baris dihukum pati.

Purbararang ngahumana di tanah anu subur,

parabotna lengkep jeung binihna loba.

Ari Purbasari dititah ngahuma di tanah angar.

Parabotna ngan saukur kujang buntung,

ditambahan ku boboko buntung sahiji.

Harita k�n�h og� Purbararang ngeprik rayat,

pikeun kerja bakti ngamimitian ngahuma.

Purbasari kalah ka bingung leuwih ti misti.

R�k ngamimitian ngahuma, ti mana mimitina.

Purbasari geus pasrah, narima kana takdir.

Ari batur pakumahana ngan ukur lutung.

Lutung mapatkeun sirep, reup Purbasari sar�.

Lutung morosotkeun baju lutungna,

jangg�l�k jadi Guru Minda anu kas�p.

Biur ngapung ngajugjug ka Kahiyangan,

m�nta pitulung ka Sunan Ambu.

Pam�ntana ditedunan ku Sunan Ambu.

Isukna, der Purbasari ngamimitian ngahuma,

dibantuan ku parabujangga jeung pohaci.

Tanah anu tadina angar lantaran cadas ngampar,

dadak sakala robah jadi tanah anu l�ndo.

Binihna binih petingan beunang ti Kahiyangan.

Anu digaraw� teuing ku gancang jeung tapis.

Huma anu sakitu legana t�h bisa r�ngs� sapo�.

Par�na morontod sarta teu keuna ku hama.

Barang tepi kana waktuna sa�mbara,

anu dijadikeun patokanana t�h hasilna.

Jaksa anu baris m�r� pangaj�n geus sayaga,

kitu deui sakumna rahayat nu r�k nyaksian.

Beubeunangan ngahuma Purbararang,

henteu sabaraha lantaran loba nu hapa.

Ari beubeunangan ngahuma Purbasari,

ngahunyud jeung ranggeuyanana baleuneur.

�Purbasari anu unggul!� ceuk Jaksa.

Rayat surat ngageder tandaning panuju.

�l�h ngahuma, Purbararang beuki panasaran.

Terus ngajak pangeunah-ngeunah kaolahan.

Purbararang ngeprik sakab�h juru masak,

der ubyag marasak di dapur karaton.

Jelema pahibut di dapur tangka heurin usik.

Tapi leuwih loba anu r�k ngadon ngasaan,

batan anu digaw� nyieun kaolahanana.

Ari Purbasari masakna di istanana ba�,

dibantuan ku Pohaci Wiru Mananggay.

Datang kana mangsana sa�mbara,

rupa-rupa kadaharan ngabarak di karaton.

Sawatara urang anu ditunjuk jadi jaksa,

mimiti ngasaan kaolahan beunang Purbararang.

Rupa-rupa kom�ntarna, tapi kab�h taya nu alus.

Ceuk ieu caw�rang, ceuk itu kurang samara.

Ceuk itu kurang uyah, ceuk ieu asin teuing.

Ari kana kaolahan Purbasari, taya nyawad.

�Nagara kawon!� ceuk jaksa ngagorowok.

Rayat surak ambal-ambalan tandaning suka.

Purbararang kalah beuki malik teu suka,

tuluy ngajak paalus-alus samping beunang ninun.

Samping Purbararang beunang ninun taun-taun,

lobana tilu puluh teu kurang teu leuwih.

Samping beunang ninun Purbasari,

ngunung-ngunung lobana sawidak lima.

Jaksa mariksa samping nu disa�mbarakeun.

Samping Purbasari leuwih panjang tur kerep.

�Sinjang Purbasari leuwih alus!� ceuk jaksa.

Rayat �mprak patarik-tarik tandaning sapuk.

Dasar bedang henteu kapalang,

Purbararang ngajak paalus-alus awak.

Dua putri nangtung di papanggungan,

disaksian ku jaksa jeung sakumna rayat.

Jaksa kolot nyureng bari ngahuleng,

wuwuh bingung nangtukeun piunggulna.

�Geulis sarua geulisna, lenjang sarua lenjangna.

Tapi lamun diawas-awas, diilik-ilik masing telik,

Purbararang awakna rada bongkok m�ongeun!�

�Hurs���h, Purbasari unggul!� rahayat surak.

Purbararang ambekna lain kaulinan,

terus ngajak pakas�p-kas�p kabogoh.

Purbararang ngasongkeun kabogohna,

Indra Jaya satria kas�p ngal�mp�r�ng kon�ng.

Ari Purbasari ngan ukur bisa merebey mili.

Salila ieu batur keueungna ngan ukur lutung.

�ta anu ku Purbararang dianggap kabogohna.

Purbasari �l�h, sakumna rayat milu nalangsa.

Purbasari geus pasrah r�k ditugel jangga.

Logojo geus r�k ngaheumbatkeun gobang.

Keur kitu, lutung ngag�dogkeun awakna.

Porosot baju lutung ngalumbuk lebah sukuna.

Jangg�l�k jadi Guru Minda ti Kahiyangan.

Kab�h anu n�njo colohok mata simeuteun.

Gal�cok ngomong jeung padabaturna.

Satria ti mana, lalaki ti mendi?

Kakas�panana teu ny�sakeun keur batur!

Guru Minda ngakukeun kabogoh Purbasari,

henteu kudu dijaksaan deui, da kab�h geus tingali,

kas�pna ngaleuwihan ka Indra Jaya.

Rayat anu keur carolohok gancang sarurak,

�Hurs���h, Purbasari unggul, Purbararang �l�h!�

Minangka hadiahna, Purbasari ngadeg raja,

ari Purbararang kudu da�k ditugel jangga.

Purbararang ceurik bari nyembah acong-congan.

�Adi, neda hirup,� Purbararang ngageuri.

Rahayat saalun-alun, ngageder patingjorowok.

�Hutang nyeri bayar nyeri, hutang lara bayar lara!�

Tapi, dasar Purbasari ged� hampura welas asih,

Purbararang dihampura, teu tulus dihukum pati.

Kilang kitu, ari dihampura pisan henteu,

sabab pagaw�an gor�ng kudu ba� aya wawalesna.

Purbararang dijadikeun purah ninun unggal po�,

Purba�ndah dijadikeun purah ngant�h,

Purbad�wata purah ngarumat seupaheun,

Purbakancana purah ngarumat goah jeung leuit,

Purbamanik ngejejeman urang dapur.

Ari Purbaleuwih, anu sok ngab�la Purbasari,

dikawinkeun ka Ki Bagus Lembu Halang,

nu jadi patih di Pasir Batang Anu Girang.

Di luar karaton, Indra Jaya ngamuk,

bari sosoak nangtang gelut ka Guru Minda.

Guru Minda nangtung, dihalangan ku Ki Patih.

Ki Bagus Lembu Halang maju ka pakalangan,

teu sakara-kara Indra Jaya taluk ku sageprakan.

Indra Jaya m�nta hirup, basana r�k kumawula.

Indra Jaya dihampura ku Ki Patih,

dijadikeun tukang ngarit jeung ngajaga kuda.

Ayeuna anu ngaheuyeuk Pasirbatang geus merenah,

kaprabon geus kacangking ku nu boga hakna.

Pun sapun ka Maha Agung

Ka gusti Nu Welas Asih

Gusti Pamuntangan beurang

Gusti Pamantangan Peuting

Sajatining pati hurip

Sajatining ka sucian

Pun sapun Awignam Astu

Paralun ka budeur awun

Ka rumuhun ka karuhun

Sunda salaku wiwitan

Sunda sembawa munggaran

Sunda pakuan angkeuhan

Pun sapun ngala deuk menta

Seja amit ka mipit                               

Ka sakumna lelembutan                                 

Nu narindak teu narapak                    

Nu nyoara tan rupana                         

Mugah hurip napsi-napsi                    
                                                           
Pun sapun
ngungkap mandepun

Saksi tulis daun nipah                         

Carita parahiyangan                            

Gurit tembaga lalayang

Gurit saksi batu tulis

Tampeurkeun saripatina

Pun sapun nyarungsung galur

Siksakandang karesian

Kacangan kahibaran

Ku pustaka wangsakerta

Muga jembar nya panalar

Balungbang baranang siang

Pun sapun....

Ampun paralun.

 v  Rajah Pamuka

Bul kubus mendung ka manggung

Ka manggung neda papayung

Ka dewata neda suka

Ka pohaci neda suci

Kuring rek diajar ngidung

Nya ngidung carita pantun

Ngahudang carita wayang

Nyilokakeun nyukcruk laku

nyukcruk laku nu bahayu

Mapay lampah nu baheula

Lulurung tujuh ngabandung

Kadalapan keur disorang

Bisina nerus narutus

Bisina narajang alas

Da puguh galuring tutur

v  Narasi

Kacaritakeun di Kahiyangan,

Guru Minda putra Sunda Ambu,

ngimpi patepung jeung putri geulis,

rupana sasemu jeung Sunan Ambu.

Jorojoy timbul rasa cintana ka �ta putri,

kadudut kalbu kapentang asmara.

Waktu riungan di pas�ban Kahiyangan,

Guru Minda maling-maling neuteup Ibu,

anu sasemu jeung putri dina impianana.

v  Deskripsi

Putrana anu cikal, Purbararang,

kacida ambekna p�dah teu kapilih jadi ratu.

Boga rasa kalindih ku Purbasari.

Purbasari dicar�kan b�ak beresih,

tuluy dibobor�han ku k�ler nahun,

awak jeung beungeutna jadi lestreng.

Purbasari diusir ti karaton,

disingkurkeun ka Gunung Cupu,

dianteurkeun ku Paman L�ngs�r,

disina cicing di saung butut sisi lamping

v  Dialog

Keur kitu, lutung t�h ngomong,�Oah, Aki Panyumpit, montong nyumpit!Da kula mah moal kabur ieuh, ar�k nurut kana sakahayang Aki!�Aki Panyumpit kag�t kabina-bina,ngad�ng� lutung bisa ngomong.�Sukur, Utun, hayu atuh geura turun!�Jrut lutung turun tina tangkal,tuluy nyampeurkeun ka Aki Panyumpit

v  Monolog

�Boa-boa ieu putri dina impian t�h,keur dipingit ditapakeun,� gerentes lutung. �Geulis temen Putri Purbasari,geulis tanding widadari, semuna ngala ka Ambu.�

v  Rajah Panutup

Pun sapun ka Maha Agung

Ka gusti Nu Welas Asih

Gusti Pamuntangan beurang

Gusti Pamantangan Peuting

Sajatining pati hurip

Sajatining ka sucian

Pun sapun Awignam Astu

Paralun ka budeur awun

Ka rumuhun ka karuhun

Sunda salaku wiwitan

Sunda sembawa munggaran

Sunda pakuan angkeuhan

Pun sapun ngala deuk menta

Seja amit ka mipit                               

Ka sakumna lelembutan                                 

Nu narindak teu narapak                    

Nu nyoara tan rupana                         

Mugah hurip napsi-napsi                    
                                                           
Pun sapun
ngungkap mandepun

Saksi tulis daun nipah                         

Carita parahiyangan                            

Gurit tembaga lalayang

Gurit saksi batu tulis

Tampeurkeun saripatina

Pun sapun nyarungsung galur

Siksakandang karesian

Kacangan kahibaran

Ku pustaka wangsakerta

Muga jembar nya panalar

Balungbang baranang siang

Pun sapun....

Ampun paralun.

v  Ringkasan Cerita

Dina jaman kapungkur dilatar Pasundan aya hiji karajaan anu dipingpin ku saurang raja anu wijaksana, anjeunna dipikawanoh minangka Prabu Tapak Agung. Prabu Tapak Agung ngagaduhan tujuh putri anu geulis. Nyaeta Purbararang, Purbaendah, Purbakancana, Purbamanik, Purbaleuwih jeung Purbasari. Dina wanci ngadeuketan ahir hayatna Prabu Tapak Agung nunjuk Purbasari jadi ratu. Purbararang teu satuju adina diangkat jadi ratu. Ku sabab iri, Purbasari diusir ka Gunung Cupu ku Purbararang.

            hiji waktos Purbararang hayang lutung nu buluan hideung. Akhirna Purbararang nitah Aki Panyumpit neangan di leuweung. Tiba tiba Aki Panyumpit manggihan eta lutung anu tiasa ngomong. Dibawa eta lutung teh ka Karajaan. Tapi lutung jadi rusuh di Karajaan, akhirna eta Lutung dibalikeun deui ka leuweung.

            Purbararang ngadakeun parlombaan antara manehna sareng Purbasari saha anu leuwih pantes jadi ratu. Purbararang ngajieun genep perlombaan anu dimenangkeun ku Purbasari. Dina akhir parlombaan Purbararang ngadakeun lomba kasep kasep kabogoh, Purbararang ngabogaan kabogoh anu kasep nyaeta Indra Jaya. Purbasari ngan ngabogaan lutung, tiba tiba ku lantaran lutung teu tegaeun ka Purbasari akhirna lutung nyarosotkeun baju lutungna jadi lalaki anu kasep ngalahkeun Indra Jaya.

�         Unsur Instristik

v  Tema   : Perselisihan kahirupan

v   Alur    : Maju

v   Setting

            1. tempat          : karajaan, saung butut, kahiyangan, gunung cupu,                                            buana pancatengah, leuweung

            2. waktos         : isuk, siang, sore, peuting

            3. suasana        : haru, tegang, bungah

Pelaku

�       Prabu ageung tapa

�       Nitisuari

�       Purbararang

�       Purbadewata

�       Purbaendah

�       Purbakancana

�       Purbamanik

�       Purbaleuwih

�       Purbasari Ayu wangi

�       Patih

�       Para mantri

�       Para penggawa

�       Paman lengser

�       Guru minda

�       Ibu sunan ambu

�       Aki jeung nini panyumpit

�       Para bujangga

�       Ki kuwu heubeul isuk

�       Pohaei wiru mananggay

�       Indra jaya satria

�       Ki bagus lembu halan

v  Amanat

Tong sok dendam jeung iri ka jalmi lain kusabab tiasa nimbulkeun musibah ka diri sorangan  atawa jalmi lain.

Mun dibere kalewihan tong sok sombong sareng ngarendahkeun jalmi lain sabab sakabehan jalmi  sarua darajatnya dimata Allah.